Ibone Erezuma lankideak parte hartu du Bizkaiko Foru Aldundiak, Enplegu, Gizarte Kohesio eta Berdintasun Sailaren bitartez, antolatu duen jardunaldian. Jardunaldi horren helburua da lurraldean nahi ez den bakardadea gizarte-erronka nagusi gisa aztertzea eta horri ekitea.
Saioa Teresa Laespada foru diputatuak inauguratu zuen, eta udal eta komunitate hurbiltasunetik lan egitearen garrantzia azpimarratu zuen, giza sareak sendotuz eta isolamendu sozialeko egoerak detektatu, prebenitu eta laguntzeko eredu integral baterantz aurrera eginez.
Jardunaldian zehar Elisa Sala Mozosen hitzaldi markoa aurkeztu zen, bakardadeari buruzko hausnarketa sakona ikuspegi komunitario batetik, egunerokotasunean harreman, partaidetza eta elkar laguntza espazioak sortzeko beharra azpimarratuz.
BizkaiSare herriz herri estrategiaren aurrerapenak ere partekatu ziren, nahi ez den bakardadearen aurkako tokiko planak garatzen ari diren udalerrien esperientziekin, baita lurraldeko gizarte erakundeek bultzatutako proiektuen emaitzekin ere.
Gainera, web berria aurkeztu zen BizkaiSare.eus, baliabide, tresna eta dokumentazio erabilgarria biltzen dituena esku-hartze komunitarioan eta administrazioen eta tokiko eragileen arteko koordinazioan aurrera egiteko
Ereinn-etik oso positiboki baloratzen dugu topaketa hau eta komunitate kohesionatuagoak, inklusiboagoak eta konektatuagoak sustatzeko konpromisoa berresten dugu. Lanean jarraituko dugu toki- eta gizarte-erakundeei komunitate-loturak indartzen eta pertsonen ongizatea hobetzen lagunduko dieten estrategiak garatzen laguntzeko.
